تاريخ الاضافة
الإثنين، 27 أغسطس 2007 07:41:54 م بواسطة سيف الخالدي
0 873
امزعزعين امضعضعين
دارت عليّ بْهالزمن خمس دورات
ثمْ طحت في قوم ٍ تمنّوني آطيح
كل ٍ وسكّينه يحَسْب الوفا مات
طيحة جمل .. ودموع ذيك التماسيح
نبني على راس الجبل بعض الابيات
اللي انهدم .. واللي تلاشى مع الريح
هب الشمالي .. وانكشف بعض عورات
ما يسترك ذاري بذيك الملافيح
بنت الهوا غنّت بليل الملذّات
والشِعْر صاح وشاعره مثله يْصيح
نغفل بسكرات ٍ ونصحى بسكرات
امرنّحين الراس مع كل ترنيح
وين القلوب اللي تصافى بنيّات ؟!
قْلوبنا للمال صارو مشافيح !!
حتى الأخو ما عاد ينفع بضيقات
لا من طلبته همّلك .. فوق تجريح
وين المراجل ؟! وين ذيك المروّات ؟!
يا مشغلين البال فوق المراجيح
امزعزعين امضعضعين بْمتاهات
بقْلوب كنّه قِفّلت بالمفاتيح
لو ما نغيّر هالعلوم الرديّات
ما غيّر الله حالنا يا هل الـ ( ميح ) .. !!
كتبت في تاريخ 28/10/2004م الموافق 14/9/1425هـ اليوم الخميس
إسم الشاعرإسم الكاتبالبلدإسم القسمالمشاهدات
سيف الخالديسيف الخالديالسعودية☆ دواوين الأعضاء .. عامِّي873
لاتوجد تعليقات