تاريخ الاضافة
الأربعاء، 29 أغسطس 2007 05:09:11 م بواسطة عبدالله بن أحمد
0 1191
أقـولها لك
غايب ولا أدري وش حصل عقب ما غبت
بشر عسى غيابي ولا جايز ٍ لك
كم لك وأنا كم لي معك ما تجاوبت
ما هو جفى مني ولكن رضالك
من حقي أسأل يوم عني تغربت
عقب البطا مدري وش اللي حصلك
هذا سؤالي وانت منـّه تهربت
أو أنت جاهل حـب قلبك وخلك
ماني بعارف وش وديت وش جبت
فرض الحقايق لا يغير هوى لك
يا كثر ما قلت أنتبه حين جنبت
قبل النهار اللي يعزك يذلك
واستغفر الله كان في قولي أذنبت
وأنته على اللي صار ربي يحلك
أقولها لك من هنا يوم جربت
مريت فيها قبل أجيك ابمحلك
أبديت لك عن طابع الشك مارتبت
منعت والله من يبي يستغلك
ما هو خساره لو على شانك أغصبت
كل العيون اللي بدت ما تملك
من شان ما تجهل لو أخطيت أو صبت
اللي حفرلك بعدها دافن لك
بصوت الشاعر / عبدالله بن أحمد
إسم الشاعرإسم الكاتبالبلدإسم القسمالمشاهدات
عبدالله بن أحمدعبدالله بن أحمدالسعودية☆ دواوين الأعضاء .. عامِّي1191
لاتوجد تعليقات