إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
انا نازل م السما |
من بين ايدين موتى البطىء |
وف وسط دوامة غرق |
وفى عز ساعة حسرتى |
بصرخ وقلبى بيتخنق |
بصرخ ولكن مش هكون مستنى |
سكرات الكلام |
واحضن بايدى المشنقة |
ولا عمرى هستسلم |
لملح الموج يطول جلدى |
ومهما يمد فوق مدى |
مايقدر عمره يوم يوصل |
سفينة نوح |
ياصوت الحق.. |
اصرخ فى الوطن ماتنوح |
ليفضل عمره يستنى جواب نعيه |
ده كان ابنك وكان ضلك فى عز الحر |
فلا تطر تبعتله دموع فى قماشه من كفنه |
بدال السيف |
وتطرح جوه ريق جوفه |
بدال ترياقه كوم حنضل |
ويفضل شرخ فى بكر السحاب بتشق |
ياصوت الحق.. |
جرب مرة واصرخ لأ فى وش مستنسخ شيطان |
ده كان الموت عليه اهون |
اذا شوفتك فى يوم اخرس ماتتكلمش |
ولو كان السكوت ماكملش |
هيفضل برده حلى الموت |
ولكن وصلوا لابليس.. |
قولولوا بعد صوت حقى |
قولولوا حتى بعد الموت |
انا حالف لكون راجع |
ونازل م السما تانى... |