تاريخ الاضافة
الإثنين، 3 سبتمبر 2007 03:06:33 ص بواسطة دموع الغيد
0 1170
يومها الموعود
ليه جيتي بعد ما هديتي احلى ذكرياتي
تحلفي لي ودمع عينك فوق خدينك غزير
دامها انتي اللي يحبك ليه جيتي ياحياتي
لا تقولي لي خسرتي وضاع بختك بالمسير
استحاله يوم ارجع لو ملك عقلي وذاتي
استحاله يوم ارجع لو يصير اللي يصير
يوم بعت الكون لجله وما ملكت الا غلاتي
اشترى من بعت لجله وباعني خالي الضمير
جيت والعذر بدموعي قبل تنطق به شفاتي
جيت لك وزهور عنقي خاليٍ(ن) منها العبير
وقلت لك بالله قولي واوعدك الزم سكاتي
لو يحبك صدق علمي.. راح يمسك كل خير
وبعدها شديت حالي ولا دريتي عن شكاتي
لانّي مثل الشعره اللي حطّمت ظهر البعير
ومابقيت احب بعده ..خذت في حبه غناتي
واعتقد قد قال غيري كنت في حبه اسير
وصارت الايام اجمل وانطفت شمعة سباتي
وصارت احلامي عجوله في دجا الواقع تنير
وبعتذر لك عن وجودك عن حبيبك عن رفاتي
بعتذر لك لان قلبك للاسف اصبح كسير
وبلغي حضرت سموه ان غاية امنياتي
لاهي بحاجه لغير الخالق الفرد الكبير
والعواطف اشهد اني لارفعت ايدي بصلاتي
امطرت صدق العواطف والخفوق اصبح بخير
واسمحي لي راح ابعد قبل تتعكر حياتي
اسمحي لي راح ابعد لان عندي الكون غير
إسم الشاعرإسم الكاتبالبلدإسم القسمالمشاهدات
غيداء بنت ناجم ..غيداء بنت ناجم ..السعودية☆ دواوين الأعضاء .. عامِّي1170
لاتوجد تعليقات