إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
بالرغم من إنك حبيبتي |
فجر بيسرح شعوره فى مراية من شراييني ........... |
حلم بيشاور يمامة ........... |
طايرة من قلبى المتبل بالصباح |
بالرغم من إنك حبيبتى ........... |
مقدرش أقولهالك بحبك بارتياح |
والقدس فاردة حجرها الميتمى |
هزى النخل المريمى ........... |
يتساقط الأولاد رطب |
بطعم المر مغروسة ف ترابك ........... سكوتى |
احميني من موتك ........... بموتى يا ........... |
حلم مكسور الشراع |
مين اللى خلا سجدتك على تراب ترانيم الضياع |
شهر يا رجبي الملامح |
يا واصل الضحكة ف جبين الحرم |
بالدمعة ف القدس الشريف |
يا جناح براق بملابس الإحرام |
ترفرف على النهر النزيف |
يا طه يا لاضم سبحة الأنبيا فى محرابك يا أقصى |
يا مسجدي |
مين اللى قاطع صابعك السبابة فى لحظة تشهد |
مش هاكون كالصبح صافى |
لما أقولها لك ........... بحبك |
والحزن غازل من دموعي عنكبوت |
على غار العيون |
ولا شاف القتلة دموعي |
بالرغم من إن اليمام اللى بنى عشه ........... صريع |
والجبن كان بينادى |
يا أيها النمل اسكن شرايين الوطن |
واحفر بيوتك فى العيون والعضم |
دبلانة أوراق الوطن |
لما الخريف شالها على كفوفه |
والشمس صاحية ........... بس ف عنيها الغروب |
والرمح ليل ........... والقلب ناطق بالنزيف |
السطر اللى مكتوب ع الجبين .. معدول |
لكن الجبين مايل |
واللون اللى ع الوش اتمسح |
مفضلش منه غير سواد |
احنا الليلادى فى حداد |
مقدرش أكون كالصبح صافى ........... |
لما أقولها لك ........... بحبك |