إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
زى كل العيال أحفر لك فى الطريق |
أمدلك ايدى |
تمدى ايدك طبطبة |
ألعن وأشتم على اللى يحفر لك ........... |
وتانى أحفر لك ........... أمد لك ايدى |
تمدى ايدك ........... طبطبة |
........... وألعن |
* * * * |
أشخبط ع الحيطان اسمي |
نمر تليفوني والعنوان |
وأبعد بعيد وأستخبى |
وأشوف الورد الأحمر |
اللى فتح على خدود الخجل |
* * * * |
ألعب فى المطر |
واملا ايديا بالتراب والطين |
ولما تيجى من بعيد |
أجرى عليكى وأسلم وأمسك الفستان |
وأعملنى مش شايف التراب والطين |
وأقولك اخلعى كسوفك مع خوفك مع ال ........... |
وأنزل على عيونى رموشي الشفافين |
وأعملنى مش شايف قميصك البمبى |
أخر قدامك عرق |
تمدى ايدك .......... |
وأستنى المطر تانى |
* * * * |
أقابلك صدفة فى السكة |
كل يوم الساعة تسعة ونص |
بقابلك صدفة ع السلم |
بقابلك صدفة فى الأتوبيس |
بقابلك فى المنام ........... صدفة |
أبعت لك الجوابات من تحت عقب الباب |
جواباتى بتحبل رد فى ايديكى |
........... ولا بتولدش |
* * * * |
أطلع على المدنة |
أأدن الضهر العشا |
والعشا فى الضهر |
وأشوفك وانتى بتصلى ........... غلط |
........... وأضحك |
ليه لما أدن الأدان الصح |
........... تصبحى كافرة |
* * * * |
أخرم عيون العروسة البلاستيك بتاعتك |
وأبكى مش شايف |
تمدى ايدك طبطبة ........... |
تشترى غيرها |
من غير ما أخرم عنيها ........... أبكى مش شايف |
أكتب اسم على المية |
........... تمسحه الموجة |
أكتبه تانى ........... تمسحه الموجة |
زى كل العيال ........... |
باكتب ع السطور العدلة ........... اسمك المعووج |