إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
أنتيكات |
ناس لعب |
مترصصين ع المكاتب |
والقهاوى وف سراديب التعب |
ثابتين ....... ولو يتحركوا |
لأنهم متحركين حسب الطلب |
النطاح |
إله قديم |
مازال يعبد حالياً |
مالوش معابد أو مقر |
بيعبده اللى علا والمحتقر |
بقرون رشاوى أو وساطة |
في بساطة .......... |
ينطحك .......... تعلا فى سما |
أو ينطحك تهوى ف حفر |
تناحة |
مصدر للفعل تنح |
وهى حالة شعب |
نايم فى العسل |
راكن برأسه ومنتظر .......... |
أى عفريت يركبه |
ويركبه .......... حصان مجنح |
حمار |
جنس موصوف بالغلابة |
أفراده طول الدهر |
حمالة أسية |
دلوقتى .......... حمالة ديابة |
دم |
حاجة زى المية .......... ماشية فى العروق |
سائل ممكن يتشرب |
لو تحمى يوم المعركة .......... يتحول بخار |
أو من عروقك يتسحب |
أما ف ميادين الهيافة والقيافة |
والرسم والبروزة |
الدم يبقى للركب |
ذل |
احلي انواع العصير |
الذ انواع الدما |
مستخلصات الاستكانه والمهانة |
يقال عند شربه |
في صحتك |
يا أيها الباشا الكبير |
رضا |
مصدر قبول الصفع |
على أم القفا |
عدم العبوس لما تدوس |
فوقنا الجزم |
واللى رافض يبقى إيمانه |
بالمساواة انتفى |
سجن |
لسان ملفوف ع الحنجرة |
تعبان بيبخ ترياق السكات |
عيون تشوف تعلبنا فات |
لكنها متحجرة |
لوح |
وصف يتقال للخشب |
بعد التعرض للمكن |
وصف المشارك فى سفينة |
لجل تعويم الوطن |
عقد |
ورقة وفاة .......... |
متجهزة لحضرتك |
حيث لما تتولد |
تديها بس امضتك |
ميرى |
قطر بيدوس ع اللى فيه |
ملهوش معاد |
مطرح ما ييجى اركبه |
ما أعجبه |
فيه أولى لكن أولى إيه |
فيه تانية تالتة |
وعاشرة فيه |
الكل ينزل منه |
وبنفس السؤال |
ركبه امتى |
ونزله .......... ليه؟! |
الشهر |
بحر من الهموم |
ورا لقمة العيش |
أغطس وأعوم |
مش مهم تقب تانى |
المهم ان الوطن هو اللى يحيا |
المهم ان الوطن هو اللى يدوم |