تاريخ الاضافة
الإثنين، 10 سبتمبر 2007 07:45:16 م بواسطة سيف الخالدي
0 931
شفته مع الصبيان
ماني على ما قيل متسلـّـي
بعد الذي قد شافته عيني
ولا نيب قايل خلـّـه يْولـّـي
ماهوب من طبعي ولا ديني .. !!
لي صاحب ٍ يا جعْله يْشلـّـي
والا يجنّب علمه الشيني
شفته مع الصبيان في ذلـّـي
يتبع رداهم والشياطيني
خابرْه رجْل ٍ حر متعلـّـي
من نسْل قوم ٍ علمهم زيني
والحين تاه وْ ليته يْدلـّـي
درب المراجل واضح يْبيني
مثل الذي صايم ولا يْصلـّـي
ما دام يتبع هالملاعيني
ما عاده يْرحّب ولا يْهلـّـي
وما عاد يسمع لي ويوحيني
اغووه غيّ ٍ ممتلي غلـّـي
حقد ٍ مدسّس بالشراييني
يا ربّ يا عالم بكل اللي
بالصدْر واللي كان خافيني
يا رب تهدي كل من ظلـّي
تهديه يا ربّي وتهديني
كتبت في تاريخ 4/3/2007م الموافق 14/2/1428هـ يوم الأحد
إسم الشاعرإسم الكاتبالبلدإسم القسمالمشاهدات
سيف الخالديسيف الخالديالسعودية☆ دواوين الأعضاء .. عامِّي931
لاتوجد تعليقات