تاريخ الاضافة
الخميس، 13 سبتمبر 2007 08:17:13 م بواسطة د. إكرامي قورة
0 1274
قلبي العيّل
قلبى العيّل
مش قادر يبعد عنك ثانية
مش قادر وحده يحس بطعم الدنيا
علشان عيل
علشان عيّل
ف عنيه الدنيا بدونك حظ قليّل
بيبُص لضىّ عيونك لما يقوم الصبح
يمد إيديه
لجناين قلبه ويقطف ورد الشوق
يهديه
للحضن الدافى ف ضل عيونك
لما سوادها يليّل
بيشوفك كل غذاه
مأواه
والكسوة
طب إيه يسوى ؟
إنه يشوف ف عنيكِ خلاصة نون النسوة
قلبى القادر إنه يكون سى السيّد
نظرة عينه سلاسل حزم تقيّد
حابب إنه يكون العيّل
يعزف حلمه بأوتار عودك
يبدر كل قصايد شعره نجوم على عودك
وأما الدنيا تعانده
يرمى حموله ف ضل خدودك
لجل يقيّل
قلبى وعارفه
مهما الدنيا تكبر فيا
هيفضل عيّل !!
إسم الشاعرالبلدإسم القسمالمشاهدات
إكرامي قورةمصر☆ شعراء العامية في العصر الحديث1274