تاريخ الاضافة
الخميس، 13 سبتمبر 2007 08:18:51 م بواسطة د. إكرامي قورة
0 1127
اختيار
لازم يا صاحبى ف محنتك تاخد قرار
الليل بيفرد عتمته
دمعاية فوق خد النهار
والغالية كتفها الأسى
ونجومها ضلت فى المدار
حدد هوية لأمنياتك يا صديق
خلّى البراح فى خطوتك
على قد شوقك للطريق
علشان تلاقى سكّتك
وافلت بأنفاس أمتك
من بين نياب الاحتضار
خليك جدع
من غير تردد أو فزع
سمعنى إيه الاختيار
يا تعيش حصان
ياتعيش ....
حمار !!
إسم الشاعرالبلدإسم القسمالمشاهدات
إكرامي قورةمصر☆ شعراء العامية في العصر الحديث1127