عناوين ونصوص القصائد   أسماء الشعراء 
شعراء العامية في العصر الحديث > مصر > عبد الله الهادى > كله على الله

مصر

مشاهدة
841

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

كله على الله

هاعتب على مين
ويمين وشمالكله على الله
كل الأحوال مش طايقانى
ونيشانى الأوحد ما وصلنيش
والصبر ليلاتى يعزينى
والدم لا فكر ينصفنى
ولا حاول يعدل موازينى
ولاحتى يهزروياىَّ
ويقول لى مافيش
*هاعتب على مين
غيرت النون والكاف والسين والهاء
علشان الميم والصاد والراء
يفضلو عاليين
مش قادرأخللى الصَبَا نهاوند
وليلاتى باهاتى ف أبياتى
وحياتى ما بين شطين أهوال
ما سمعتش مرهَ
إزىّ الحال يا خيال الضل
تعبتنى كتير
والبير بقى بحر
جربت السحرعشان
اتخلص م الأشباح
لا قدرت ارتاح
ولا حتى عرفت السكه منين
*هاعتب على مين
على أم ليلا تى تبكينى
ويوما تى باقدف فى مرارها
وبتنكرخيرى وتطفينى
واناطول العمربانورها
وف عزالحيره بارسيها
وافديها بروحى واحررها
ونهارها لوبس اتعكر
تتشمر ناري واصرارى
وسمارى يفجر براكين
*هاعتب على مين
وأنا كل ما أقرب من ناسك
يطلعو قاسيين
هافحت فى الهم
يادوب مترين
وهامد دراعى وأشد الأه
أأأه...الآه دى بتاعتى
والآه دى بتاعتك
وانا فاكر
وقت ماشوفت إشاعتى
لقيتك فيها
كلك على بعضك جواىَّ
وبتمشى معاىَّ فى أنفاسى
وف راسى وقلمى وكراسى
حبك فيضان
وف كل مكان وف كل أوان
إسمك مع صورتك
على سيرتك يحكو الحكايات
معلش ياصاحبى شبعت أهات
وأنا باحلم دايماً
باالجايَّات تكسينى أمان
متكتفهاش بحبال كتان
ومتقفلهاش واتصل إلآن
شيل السماعه واديها إيديك
خليها تخبط ع الأرقام
وتخش زمام الروح
وتدوَّر على معانيك
الله يخليك الدنيا ظروف
ورفوف العمرليلا تى تشيل
نقض وإبرام
ما بلا ش تظلمنى مع الأيام
واستحمل لمَّا حروفى تدوب
مَانا أصلى يَادوب
حِتِة غلبان متعبى ذنوب
بين كسروموت وسقوط ومرار
الخاطر بار
ومافيش أخباربتسُرالروح
جواىَّ جروح مش عايزه تطيب
وحليب النيه
بيفتح فىَّ مداخل ليك
الله يخليك
ماتشيلش إيديك
من حضن مالوش فى الهجرسوابق
ماتسيبش براءة آيه
تسابق فى السؤلات
صدقنى بجد الود ماكانش ف يوم تمثيل
والذاد له حق
إن انت تزُق اللوم فى النيل
الصبر جميل
وانا عندى دليل
يثبت لك إن الأصل نخيل
والعِرق يمد لسابع جد
والحب مالوش مسافات وحدود
الصدق فى كل آوان قنديل
والليل جواىَّ مالوهش وجود
والجود بيعبى الخير فى كاسات
والتعلب عمره لافات ولابات
فى جحور البال
ويوماتى باهِد جبال الخوف
وباطَّير كل دقيقه سلام
يرجع مكسوف
معلش يا عم الهم دَهَسنى
وقرصنى الجوع لليالى بعيد
فيها المواعيد
كانت بتخللى الروح بستان
كانت بتفرح أحزانى
وتشيل اللهم اللى ملانى
وترجع لكيانى صفاه
وها قول لك إيه
مش لا قى قوافى
تطفى الأه فى فؤادى
آه المره دى
أصعب م اللى كتير سبقوها
القلب...فى توهه
والعقل مالوش افكار مشبوهه
والعشره
إن كانوكتيرنسيوها
القلب الطيب مش ها نساه
وها قول لك إيه
كله ..على الله
الإسماعيليه
عبد الله الهادى
بواسطة: محمد أسامة
التعديل بواسطة: محمد أسامة
الإضافة: الأحد 2007/09/23 03:12:12 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com