 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| مش عارف ليه |
| مش قادر أبطل جد |
| وتمللى باسد السكه |
| ف وش العيب |
| وباسيب الحق يزق كلامى |
| ويضرب فى المليان |
| وبحب اتحقق |
| قبل لسانى |
| مايهرب منى ومالحقهوش |
| وتمللى بادقق |
| وارشق عين العقل |
| تفتش فى المواضيع |
| القلب وسيع والروح أوسع |
| والصبر بيزلط وبيبلع |
| حسب الاحوال |
| والعقل بيفزع |
| وقت خيال الغيظ ما يهب |
| وف عز الكرب |
| رضاىَّ ربابه وناى |
| وتعبت كتير |
| ولا قولتش ليه وإذاى |
| باي باي ياهزار |
| وسعيده ياتيار الحرمان |
| النوم سلطان |
| والخوف سرطان |
| وآمان يالاللى بقيناخراب |
| بلاوينا بترقص حوالينا |
| والهم غراب |
| والفرح بينزل فى خلاصه |
| م الجرح مايعرفش خلاصه |
| يرضع قطران |
| وشباب عدمان |
| والجنس الناعم مش فاهم |
| ولا عايز يفهم |
| وان خربت هوَّ الخسران |
| يالا للى آمان |
| مش عارف ليه |
| الكدب طلع له سنان |
| والكلمه الجد تمللى تهد كيانى |
| دايماً عدوانى |
| فى نظر الناس الشوم |
| وغيوم الباطل واقفالى |
| وسؤالى بيمدغ جوه خيالى لبان |
| يمكن علشان |
| الكره خلاص بقى موضه |
| والحب الخالص أصبح دقه قد يمه |
| وكلام السيما |
| فى كل مجال فشار |
| أخبار اليوم والأمس |
| اليأس ماليها |
| والبؤس حابسها |
| وطافى عليها النور |
| وسطور الفقرفى كل أوان ملتوته |
| والتوته فشنك |
| ودم الدنك بحور |
| معزور ياكلام الجد بجد معاىَّ |
| طول ما انت وراىَّ |
| الطبل هَيملا الراس |
| الصدق ولىّ واتبرى الأخلاص |
| والكاس بيصرخ من مرار الآه |
| وياألف آآآه |
| ع اللى العدم سواه |
| والمسكنه بتبص من جواه |
| وسماه يوماتى تشتكى لعماه |
| وهواه ليلاتى |
| مش لا قى له خلاص |
| وما فيش خلاص |
| طول ماالأ سىَّ مواويل |
| والعمرعتمه والمقاسى دليل |
| والجيل مناه تبقى الحياه قنديل |
| والفرح يضحك والأمانى تسمى |
| قومى ياحلوه ياللى دمك دمى |
| قومى استحمى |
| ماالذ نوب واتوضى |
| وارضى علينا وولعى القناديل |
| أطلعى م الليل وعدى للصباح |
| جففى دمعة عيونك |
| وأمسحى دم الجراح |
| وانصبى ألأفراح عشانى |
| قلبى طيب مش انانى |
| نبض روحى لو جَفانى |
| مستحيل إِنه يجافيكى |
| وإن جافاكى يحب مين |
| لسه فاضل جملتين |
| مُشتاقين للرد منك |
| إمتى يبقى الجد فيكى |
| خيل بيرمح نخل يطرح |
| والتقينى فى كل مطرح |
| بأفتح الأيام واعدى |
| الأسماعيليه |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
