 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| ماتتعبينيش.. |
| مافيش فا يده |
| أنا وانتى بقينا سراب |
| حزفتينى من الأعراب |
| وعَليتى الخراب بينا |
| وخَليتى الوجع غنا |
| ما فيش منَّا سِوَّى هامش |
| بيتألم ويتعنىَّ |
| دواكى مش هايشفينى |
| ومصلى كَل من دائك |
| وترياقك مايلزمنيش |
| جوازسفرى .. مالوش آخر |
| بينده كل يوم يلا َّ |
| نروح مانجيش |
| ما نيش راجع |
| كفايه وهم ومواجع |
| قضيت العمر جواكى |
| بأعبى الصبر م الجامع |
| وعايش فى الحياه منسى |
| وزهرة عمرى معطوبه |
| ما بين برواز وبين طوبه |
| بأعدى سدود وموانع |
| ما نيش راجع |
| ماتتحايليش |
| ما فيش فىَّ |
| ولا ملى يساع كد بك |
| باحبك بس آه منك |
| تمللى با نكوى منك |
| وإحساسك لايوم مال لى |
| ولا بالحضن خد تينى |
| دفنتينى فى أحزانك |
| ويوم الفرح ما فرحتش |
| ولا دق الهنا بابى |
| فى عز شبابى طهرتك |
| وياما بكدى خضرتك |
| وبخرتك من النظرهَ |
| بمسك وطيب |
| عشان مرَّه تقولى حبيب |
| لقيت الحب مش خالص |
| سيبينى فى حالى |
| مش ناقص |
| وناقص إيه ماهوش ناقص |
| وجوه النقص راميكى |
| وبين الطرح والقسمه |
| ما فيش ناقص مكفيكى |
| وأيه يغصبنى على عشره |
| ما فيش مرَّه مَلت عينى |
| سيبينى فى حالى |
| طاوعينى |
| صحيح انتى مُنىَ عينى |
| وروحك مَيتى وذادى |
| ودقة قلبى من قلبك |
| بتتنفس هوَّى بلادى |
| ما أنا ع الطيبه متأسس |
| ومتونس بأوصافى |
| ومجدافى أدب وأصول |
| وصبرى ماسك الدفه |
| وبين الضفه والضفه |
| سفينة خوفى شايلانى |
| ومش شايف ولا مرسى |
| وكل القرصه ما تعلم |
| باسلم نفسى لهروبى |
| ومكتوبك حرق دمى |
| وجوه الحيره سبتينى |
| سيبينى فى حالى .. وأنسينى |
| ولوعايزانى أبوس إيدك |
| هابوس إيد ك |
| ما أنا طول عمرى بايسها |
| وقاعد تحت رجليكى |
| وفيكى إيه يرجعنى |
| وأقول لك ع اللى واجعنى |
| وقايد فىَّ براكينك |
| باأحوش عنك.. |
| وأشيل طينك |
| وبا تكفى ورا سنينك |
| وتلسينك شرخ سمعى |
| ودمعى فى العيون شلال |
| وفرحى فى البرك عايم |
| وأنفاسى ولايم آه |
| وسايبانى أقول لله |
| وأنا المطحون |
| وأنا المعجون |
| وأنا المخبوزعلى نارك |
| وأنا الشقيان وأنا العرقان |
| وأنا الغرقان فى أوقاتى |
| حياتى كلها باطل |
| لاجاه ولا مال ولا قِيمه |
| كريمه وإيدك الفرطهَ |
| بتغرف منى وبتدى |
| وتيجى لحدى |
| وتشدى الحزام ع الوسط |
| وأناواقف |
| فى وسط الحد والغربان |
| ما بين فقرى وبين بينى |
| سيبينى ..فىالخرس هايص |
| ولايص جوه أفكارى |
| عشان نارى ماتلسعكيش |
| سيبينى أعيش |
| وهاتى الفيش واناابصم لك |
| على إنك ماتلزمينيش |
| ومش هاقبل أعيش مجهول |
| ما بين أصلى وبين فرعى |
| ومش حاسس |
| بإنى إبنك الشرعى |
| ومش شايف أمل منك |
| يخلينى ألف وادور |
| وأهد جحور تعابينك |
| ومش حاسس بأى شعور |
| بإن النورهيرجع لك تشوفينى |
| وتكسينى بأفضالك |
| ما فيش |
| غيرى حيبقى لك |
| ما فيش |
| غيرك حيبقى لى |
| سيبينى فى حالى |
| خلينى |
| أفكر فيكى على مهلى |
| ولوما قدرتش ارجع لك |
| حاسيبك ما انتى تستاهلى |
| عشان الذكريات ناشز |
| ومش عاوز أعاشرها |
| عشان مارجعش ِللغليان |
| ما نيش كسبان ولا فايز |
| ولا ناهب ولا شافط |
| ولا وسط الديوك زايط |
| ولا من ضمن محاسيبك |
| حسيبك لما تفتكرى |
| أنا البكرى وانا الحيله |
| وتايه وسط ترحيله |
| ومش لا قى لفجرك باب |
| مافيش ليله رجعت شباب |
| وشاب العمر على عودى |
| سيبينى فى حالى |
| لمَّا تعودى لصوابك |
| ما نيش ناقص عذابك ذاد |
| ومدّاد الجفا طارح |
| وطرحى مهما يطرح لك |
| زمانى مش هَيحلا لك |
| وأحوالك |
| لايمكن يوم هَاترضينى |
| سيبينى فى حالى |
| مش ناقص بلاويكى |
| الأسماعيليه |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
