تاريخ الاضافة
الإثنين، 24 سبتمبر 2007 06:58:39 م بواسطة صالح الغازي
0 429
الفرحة ألوانها كتير
شربكو إزازة كاكولا باتنين شاليمو
و لبسكو برنيطة بمكانين
خلانى شايفكو واحد
سيب الريشة للحركه الحره
سيبها ترتجل و لا يهمك
حواليك الألوان الزاهية
وقاعد براحتك
مابتفكرش فى الجرسون
فى الوقت اللى من بعد ما تزعل
و قبل ما تتصالح
بتسلم نفسك لعربية الملاهى
تطلع فوق.. صريخ ناس مبسوطة
فى الدوران.. الكلام ملخبط
.. سوق يا أسطى لحد الصبحيه
دوخة..
تطلب تتصور
وقوف مُفاجئ
صوتكم واحد بنبرة واحدة فعلاً
تانى.. كمان
نفسى أشوف شكلك فى الصوره
مشيت كتير
و ف كل لفه يتغالس عليك بياع الورد
ياخدك من نفسك
أنت ماكرهتوش!
اتعاملت معاه كأنة لون من الفرحة
إسم الشاعرإسم الكاتبالبلدإسم القسمالمشاهدات
صالح الغازيصالح الغازيمصر☆ دواوين الأعضاء .. عامِّي429
لاتوجد تعليقات