تاريخ الاضافة
الإثنين، 24 سبتمبر 2007 07:30:36 م بواسطة صالح الغازي
0 419
بين الحضور و الغياب
ابتسامتك: حمامه بيضا فارده الجناحين على الخد
مع عقدة الحاجبين جُدران بتضيق
وجناحين بيتقفلوا
يستسلمو للوقوع فى بير ضلمه
لو تحُط كوبايه فاضيه على ودنك
تسمع وش سكوت بيشد أعصابى
و يستمر فى عد تنازلى عشان يمزقها
إسمحيلى أنور لنا شمعه
و أفند كلامى
يا ترى قلت إيه مسك؟
لو الأرض تتشق
بلاش ندى فرصه لحاجات بسيطة تزعلنا
عيونا شارده فى لهب الشمعه الرقاص
ناويه تمشى؟
أنا
ح استنى الملاك الصغير يفرد جناحيه
و صابعى متثبت فوق لهب الشمعه.
إسم الشاعرإسم الكاتبالبلدإسم القسمالمشاهدات
صالح الغازيصالح الغازيمصر☆ دواوين الأعضاء .. عامِّي419
لاتوجد تعليقات