عناوين ونصوص القصائد   أسماء الشعراء 
الشعراء الأعضاء .. عامِّي > مصر > صالح الغازي > نقار الخشب

مصر

مشاهدة
792

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

نقار الخشب

مالك....؟
قاعد زى قوس قزح
متجاهل ثرثرة المطر و نشرة الأخبار
بتتابع النمل
مش عايزك كده
بلاش دماغك تاخدك لبعيد
إتخيل بنتك اللّى بتسهر صوابعك فى شعرها
قُدامك دلوقتى
احكي لها حكاية
إن شاالله حكاية عبد الله البرى و عبد الله البحري
طّلعها أعلى نقطه على قلعة قايتباي
والا أقولك فرجها على الأوبرا من فوق البرج
.... فى أخر السهرة
لو ماقلتش: قول كمان حدوتة
تبقى فعلا مش موجوده
ساعتها لازم تهد الدنيا عشان ترجعها
حقك تكسر بمزاجك كل القوانين كأنك زوربا
لكني خايف
بعد ما تتقابلوا
ألقاكم سهرا نين بتتابعو النمل
وقتها النمل ح يبقى كتير
يطلع الحيطان
يدخل الصور.
يشوه الذكريات
ح يطاردك في كل الأوقات .
صالح الغازي
بواسطة: صالح الغازي
التعديل بواسطة: صالح الغازي
الإضافة: الاثنين 2007/09/24 11:40:53 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com