تاريخ الاضافة
الإثنين، 24 سبتمبر 2007 07:48:45 م بواسطة صالح الغازي
0 443
الموكب الحيران
القمر العايق
يتنطط فوق السحاب
ينشر نهار فضى
من إيدها أخدها
نعدى طريق العربيات
نتفادى مطبات الشارع
بالراحة شوية
وأخدينها كعابى بشويش وبسرعة
نبص لبعض
مش شايفة غيرك
ترمح ف السماوات الزحمة طياره ورق
نسيب الخيط عالآخر
إوعى تسيبنى
نبص لبعض ونضحك
تضحك فتارين ترقص أنوار
بيتهز الرصيف تحتى
تقولى يا نونو ..
ننه ..
هووه
والقمر العايق بيزقطط
وأنا ماسكة ف يدى.
إسم الشاعرإسم الكاتبالبلدإسم القسمالمشاهدات
صالح الغازيصالح الغازيمصر☆ دواوين الأعضاء .. عامِّي443
لاتوجد تعليقات