تاريخ الاضافة
الثلاثاء، 25 سبتمبر 2007 08:00:11 ص بواسطة صالح الغازي
0 434
مخاصمينه على طول ( عم سارينه)
قد إيه الحارة متشربه بعرق المغارب
وقد إيه مخضوضين م السارينه
يجروا وراه بالطوب
عم سارينه سكران
عم سارينه سكران
ناس القهوة تمد رقابها تشوفه
طرقعة الزهر فى خشب الطاولة
تسأل :
الزهر اللى قابض ع الناس من قفاهم
بيمرغهم ف الطين
وألا
ينقى من ورق الأرض تعويذه
يلفوه بالشال
دوخ ف صوانى
بخور ف ميلاد
وطقوس الدايم وجه الله
ترشق طوبه فضهره
تهرب م العيون على فين ؟
الحارة مجاله
يتطوح ف السهره يهندس
مروحه من ورقه
فاكر
ماسكاها بإديها القد السمسم
تتهوى تلاعب النسيم
تضحكله
قلبه صغير خجل
وياها جه
وياها راح
والزهر حقايق ومتاهه
على ساحه رخام
هنا مراوح جنب لعب
جنب ...
و الحاره هناك
متبعترين زى ديكور
الكل مخاصمه
يريح على صدر الكرسى
يناكفهم بنتشخيره الأوبرالى
عم سارينه. ------------
* سموه فى الحاره سارينه لكن اسمه الحقيقى مش معروف بالظبط.
إسم الشاعرإسم الكاتبالبلدإسم القسمالمشاهدات
صالح الغازيصالح الغازيمصر☆ دواوين الأعضاء .. عامِّي434
لاتوجد تعليقات