إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
ممسوس بيهم |
كل واحد حانى ضهرة |
ضامم حجر بين إيدة |
ماشيين زى سلاحف |
إصحابى حجر |
خلانى فقدت الراحة مع غيرهم |
إخواتى حجر |
واقف على طرف الأوقات البارده |
يشاور على خطايا الأهل و يضحك |
الناس حجر |
بينفخ ف أبواق شياطين |
بتهد أكواخ الخوص جوايا |
حجر بيجر حجر |
والحماس هيلا |
أنا مش بيدى الليلة |
لعنة الإنكماش مطاردانى |
زى كيس بلاستك |
تقرب النار منه |
البنا بيعلى |
ما بيخلصش |
وكل واحد |
قافل جسمه على مراته |
ف إزاى أتهجى الدنيا العانس |
طوابير عواميد نور مطفيه |
يفط أكتر منى |
أمسح حزن الجبين ف كمها تبهت عليا |
أرزع عالجدار منهار |
والقلق فى نظرات عينى |
قد خبث بلياتشو راصدنى |