تاريخ الاضافة
الثلاثاء، 25 سبتمبر 2007 08:16:16 ص بواسطة صالح الغازي
0 453
قدمى مغروزه فى الأسفلت
أشاكس لحد ما تفضحنى عينى
وأفضح إيه وإلا إيه ؟
مغروز وسط ميدان
حاول يحسسنى إنه طيب
فسلمنى عصايا بتنور
صفاره
إكمام مخططه بالطول
ودفتر أسجل فيه قصيدة
إشارة مرور بعين واحدة - شحاته - مغروزة بين التقاطعات
عيطت على كتفى فـ مرضتش أحرجها
حكتلى عن أمجادها
قاصدة تحسسنى إنها أحسن منى !!!
الإدراج متلقحة عالتلتوارات زى شلة مطربين سكرانين
خارج منها اللى راكبين أعلى ما فى خيلهم
وأنا ملزوم أوفق ألفق لهم طرق
لو تجينى فرصه
أرمح بموتوسيكلى المليون حصان
أخطف غزالى قدامى
وننط كل الحواجز .. ناخد ف وشنا
الميدان وشه جاب برتقانى
ده بيتهز عالبطىء
فجأه يغمض
لو تسلفونى خطوتين أرتاح ف ضل العماره
كام نتيجه أتعلقت ع الحيط
وأنا أقع وأقوم ؟ .. تقولشى نخله !!!
خايف مره أتقطم
أبقى عاله على دوله عاله على الكون كله.
إسم الشاعرإسم الكاتبالبلدإسم القسمالمشاهدات
صالح الغازيصالح الغازيمصر☆ دواوين الأعضاء .. عامِّي453
لاتوجد تعليقات