تاريخ الاضافة
الخميس، 27 سبتمبر 2007 06:01:49 م بواسطة إيهاب الأمين
0 737
ربك لطف
ربك لطف
لاقاني بيك
في واحدة من أحلى الصدف
رجعني للفرح الزمان
أصلو الفرح طعمو اختلف
ومشيت بعيد
لامن لقيت سري انكشف
وغرامي ليك
الكنت داسيهو انعرف
احترت وين ألقاك... وكيف
في الريدة اتحاشى الكلف
إلا بس ربك لطف
لاقاني بيك
في واحدة من أحلى الصدف
قبال تجيبني الصدفة ليك
أنا كنت ماليني الأسف
وكتين حرق جوفي النويح
وكتين قمر ريدي انكسف
وأنا كنت في حيرة وظنون
ومعاها كم جرحاً نزف
إلا بس ربك لطف
لاقاني بيك
في واحدة من أحلى الصدف
رجعني للفرح الزمان
أصلو الفرح طعمو
24/9/1999
إسم الشاعرإسم الكاتبالبلدإسم القسمالمشاهدات
إيهاب الأمينإيهاب الأمينالسودان☆ دواوين الأعضاء .. عامِّي737
لاتوجد تعليقات