تاريخ الاضافة
الجمعة، 5 أكتوبر 2007 07:33:02 م بواسطة أحمد العولقي
0 1196
ذا غرامك يا بنيّه فاق ماهم يوصفون
فدوه لك كل الأراضي وكل شبر ٍ بالبلاد
وفدوه لك كل المراسي في سواحل هالعيون
اخترتك لقلبي حبيبه يوم غرّوني العباد
واحد ٍ بالمال يغري ووحده تغريني بفتون
لا سألتي هل بقلبي لك محبّه أو عماد
ناظري بأركان قلبي وشوفي وش ساسه يكون
حبّ عذري جاك منّي ويتزيّن به الفؤاد
وعشق خُمري ما تنام الليل منّه هالجفون
وجوف طاهر ما تلاقي فيه ذرّات السواد
وقلب ينبض لا ذكرتك هاضت بنبضه الشجون
بعت ناسي واشتريتك يومه الله لي أراد
تكوني حبّي .. تكوني عشقي .. تكوني غيمي والمزون
تكوني بنت ٍ وإنتشلها الفارس بذاك الجواد
تكوني لون ٍ عقب شوفه ما بيلمح أي لون
هذا جفني بس يسهر ما يذوقه الرقاد
وهذا حبّك بس يكبر أرادوا ولا ما يبون .!
وهذا عشقك وسط قلبي كل لحظه زاد زاد
وذا غرامك يا بنيّه فاق ماهم يوصفون
آمريني وش بودّك يا حبيبه ولك يُقاد
كل شيّ ولو طلبتي المستحيلات ابيجون
بس تكفي لا طلبتك شيّ لبّي هالمراد
لا تردّي قلب عاشق منك جاله الجنون
يا جنوني يا فتوني وإشتعالي للرماد
يا عيوني وكل نجمه لو بتضوي بكل كون
ما رضيت يشاركوني في محبّتك العباد
فهل بترضي بكف تكوني وكوني بالثاني يكون ؟
إسم الشاعرإسم الكاتبالبلدإسم القسمالمشاهدات
أحمد العولقيأحمد العولقياليمن☆ دواوين الأعضاء .. عامِّي1196
لاتوجد تعليقات