---

أنا توقفت عن كتابة الشعر من فترة طويلة وعاهدت نفسي إني ما أرجع لكتابته لكن حبي للقصيد خلاني أكتفي بمتابعة الشعراء اللي يكتبون قصايد حلوه وأقدم لهم المساعدة اللي ممكن تفيدهم وجاني واحد يكتب جميل لكن ينقصه في قصايده الوزن وبديت أعلمه طريقة الوزن وعرف كيف يوزن لكن أنا كنت أبيه يكتب شي جميل وكنت كل مرّه أقوله أكتب الشعر لأجل الشعر وبالفعل يوم من الأيام فاجأني ببيتين من وجهت نظري كانت جميلة وفرق بين ما كان يكتبه أول والحين وقال بعد التصليح البسيط عليها الذي لا يذكر إنتي صرتي في حياتي .. أغلا من كل البشـــر .........ما أبالغ صدقيني .. يا حيـــاتي ولا أزيـــــــــد . . . اطلبي كل ما تبينه .. تامــــــرين انتي أمـــــــر .......كيف اببخل يا مشاعر .. تجري في دمي قصيد فقلت له جميل كمّل قال أحس يالسيل انتهت خلاص ما عاد عندي شي أكتبه فقلت من يقول وحاولت معه حاولت لكن دون فائدة فقلت ما أخلي هالبيتين تبقى كذا وقررت أكملها له عشان يعرف إنها ما انتهت مثل ما قال