تاريخ الاضافة
الجمعة، 12 أكتوبر 2007 08:46:58 م بواسطة محمد فاروق
0 555
حلم القلم
..حلم القلم..
القلم بكتب قصايده بالالم
وبينزف النقطة اللى فاضله
م الحبر الاخير..
وبينسى شكل ولون الابجدية
من صدمة خلت حسه فاقد للكلام
وانا بس شاعر
حسى تايه جوه بحر مالوش ارار
ممكن اقدر احرك الحرف ف كلام
ممكن اقدر ادارى فى القلب الالام
لكنى مش رتبة مسيح..
اقدر ارجع نبض للقلب اللى مات
اقدر انطق كلمة خارسة من السكات
لكن ياقلمى الوقت فات
من بعدلون الضلمة
ببهت جوه نورى
من بعد حبرى وورقى والكلمة وسطورى
قالولى انى مش انا
وعمرنا ماشوفنا رعشة
مابين كفوفك
ولا من يومين تنسى حروفك
وتعيش تتهته فى الكلام
قولت خلاص هاتوا سلام
قصدى كلام غير الكلام
واحيوا كمان فرد الحمام
يمكن تصحوا فى الوطن قلبه اللى مات
واهو من سكات
لو قدرته ترجعوا حلم القلم
ممكن يفكر تانى يتهجى الكلام
ROKA_7000@YAHOO.COM