إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
جلا جلا جلا جلا |
جلا جلا ...جلا جلا |
قرب يا واد إجري يا بت |
اتجمعوا |
وتعالوا شوفوا المهزلة |
جلا جلا جلا جلا |
الأخ بوش أبو عقل بوش |
بالطيارات والدبابات |
حيحل أصعب مشكلة |
جلا جلا ...جلا جلا |
إن كنت ريس أو غفير |
أو كنت مستور أو فقير أو حتى عيان |
وألا عاشق مُبتَلَىَ |
جلا جلا جلا جلا |
ناس عايشة راضية في أرضها |
يجي بغباءو يخشها ... و يغشها |
ويسيبها والعة مشعللة. |
جلا .. جلا .. جلا .. جلا |
الأخ بوش ... مجنون مالوش |
إلا الرصاص والمحكمة |
والمشنقة والمأصلة |
جلا جلا جلا جلا |
موحول ف أكتر من ميدان |
والقاضي هو والمُدان |
يا عجيبة أعجب من عجايب دا الزمان |
يا حضارة سكَّة مهرولة. |
جلا جلا .. جلاجلا |
هباش خطير كداب كببر |
عايزها تمشي سبهللة |
جلا جلا .. جلا جلا |
وخسيس جبان ... راكبو الجنان |
وفتحنا قدامو البيبان ... ف ليلة سودا منيلة |
جلا جلا .. جلا جلا |
وآهين وآه ... لو قلنا آه |
ومشينا من خوفنا وراه |
رح تبقا أكبر معضلة |
جلا جلا جلا جلا |
ساكن ضميرنا إن إحنا حق |
بس إن صرخنا وقلنا لأ |
وقعتنا تبقى مأندِلة |
جلا جلا جلا جلا |
يا جيوش ظلام متوحشة |
وحش وعيونه مدغششة |
في بلدنا أصبح ملطشة |
وعساكره أهي متبهدلة. |
جلا جلا جلا جلا |