 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| حَرِّيفة حضارة |
| وعشقت نيلك |
| وفي نخيلك |
| تمرة الحب اللذيذ متبسمة |
| والقلب هام زي السحاب... |
| يشتاق لحضنك والجفون |
| قام شاف عيونك نجمتين |
| تضوى بطريقه يا ملهمة |
| اشتاق لهمسك والحنين . |
| .فاض بو في ليلة عيد سعيد |
| لملم همومه وراح يغني الملحمة |
| يوم وقفة العيد الحزين |
| مطَّرْ بشوقه على العيال النعسانين |
| كراريس، وحبر وكام قلم |
| فساتين، وحنة وكحل عينْ ... |
| جلاليب،وفاكهة،وفرختين |
| وحفان دقيق |
| مع سيف بيضوي |
| وشمعتين |
| وحصان حلاوة،وشال خشن |
| للي ما نام م الهم قام |
| يدعي ومن قبل الأدان |
| وصوابعه سبحة منورة |
| وبخور، دا جاوي، و شال حرير .. |
| .للست بسمة الطيبة |
| سهرانة تحلم بالفطير .. |
| في الليل تكلم فرن طين |
| موجود بيشغي |
| وفي البيوت يرسم |
| مكانة كل بيت |
| لأ مش عوايده ف ده السكوت ... |
| فين لما كان يملا المكان ... |
| دخان وفرحة وريحة العيش |
| اللي جاية بحب من بطن السنين. |
| ويا الأنين ... كان ليه سكوتنا وهمنا؟ |
| ما تقوللي بس يا عمنا |
| ليه صمتنا مالي المكان بزعيق نكد |
| ليه عجزنا خلا البنية والولد |
| دول يأسانين؟ |
| ليه خاب املنا؟ |
| ومين بيسرق قوت عيالنا؟ |
| وباع سنابل حلمنا؟ |
| والثورجية الحلمانين |
| فين اختفوا؟ |
| فين كدابين الزفة |
| شايلين المباخر يهتفوا |
| لجل الأوبيج |
| والمصالح |
| واللي ناطح |
| واللي جارح |
| واللي مفضوحة سريرته |
| والشعب خاب ...كات برضو خيبة بالانتخاب |
| ما تقول يا باسط |
| حد شايف؟ |
| حط في الصندوق ورق |
| فيه حد عااارف ... هيا زاطط؟ |
| ولع في حلم الناس ليلاتي |
| وقوم ف وش الصبح واكدب |
| قول يا عالم ده اتحرق. |
| والشعب حنجوع أبوه |
| ونهار وليل حنعقدوه |
| ونخوفوه .. |
| وورا الرغيف حندوخه |
| وان مرة هاج وعمل جدع |
| حنعلمه اصل الوجع |
| ونكممه .. |
| ونعممه ... |
| وكمان بفن حنسلخه |
| ما تخافش منه مهِ العساكر صحيانين |
| واحنا الديابة عيوننا دايما مفتوحين |
| واللي يقب .. حننفخه. |
| يا تاريخ بلادنا الملهمة |
| أدي سكة الناس الغلابة الشقيانين |
| والحق ضاع ... لما البتاع |
| حتة خواجة دماغة ضاربة |
| يحكم في أسياد البشر |
| احنا الأساتذة ... |
| معلمين أصل التاريخ |
| ليكون تاريخ |
| ما تقولشي فينَّا ... ولسة دينا في قلبنا |
| أوعك تظن إن احنا نمنا |
| أوعى تيأس من سكوتنا ... |
| ياعم دا احنا ولو سكتنا ... |
| بنكتم الصرخة اللي جاية في وقتها |
| حتهد كل الزيف وتبني من جديد ... |
| أوعك تظن النيل حيعطش مننا .. |
| إحنا الغلابة الشقيانين ... |
| في الأرض حريفة حضارة ... |
| وفنانين. |
| الخميس |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
