تاريخ الاضافة
الأربعاء، 17 أكتوبر 2007 06:54:17 م بواسطة إيهاب الأمين
0 985
عيونك والمطر
http://alrakoba.com/vb/customavatars/avatar10310_2.gif
لسة بسأل نفسي
عن سر العلاقة البين
عيونك والمطر
ولسة بسأل نفسي
عن سر التضاد
ما بين وجودك والخطر
ولسة بتساءل
شنو الخلى الربيع
ينحاز إليك
وينسج نسايمو غنا
ونغم أجمل وتر
إنت الفتحتي براكي
للغيم ألف باب
وبقيتي أنشودة صحاب
وهتفتي للصبح الأغـر
عصفورة بشويش غردت
فردت جناحا... اتمردت
جات قررت
دون سابق إنذار السفر
وجعتي قلب الليل
وبعزقتي النجوم
رجعتي للموج التساب
صالحتي مابين بوري يا بت
والسحاب
واحرجتي بالضي القمر
وأنا مندهش
ما بين عيونك والمطر
أشتاق ألاقيك سنبلة
يا وردة ... رقصة كمبلا
قدمتي للشوق ألف ناي
وأنا جيت براي
ما كان معاي غير الهواجس
والنوارس ...والكلام
الكان مسافر في الغروب
وجلبتي لي يا بت طيوب
علمتي نجماتي الألق
كرستي لعيوني الأرق
ورسمتي في اللوحة الشفق
شالتني موجات الحنين
فاجأني ضيك حين شرق
مديتي إيدك
وبيك نجيت من الغرق
وهواكي كان نازل مطر
نازف مطر
وأنا لسة بسأل نفسي
عن سر العلاقة
البين عيونك والمطر
12/7/2002
إسم الشاعرإسم الكاتبالبلدإسم القسمالمشاهدات
إيهاب الأمينإيهاب الأمينالسودان☆ دواوين الأعضاء .. عامِّي985
لاتوجد تعليقات