تاريخ الاضافة
الخميس، 18 أكتوبر 2007 09:03:11 ص بواسطة ميسرة صلاح الدين
0 566
الحلم البايت
الحزن مربع ع السفرة
وبيغمس ف الحلم البايت
والهم بيخرج م التلاجة
وأوض النوم وبخار العيش
وأيدين العتمة مغمية على عيون الشيش
وأنا واقف على نفس مكاني
فى أبراج الصمت
وتاريخي معد ش بيحمينى
و معد ش فقلبي ولا فعيني
التعبير أياه
ومعد ش حياة
بتر فرف فىخريف أفكاري
على قد الجرح المدارى
خد منى دموع
خد منى رفات
أنا شابت فعنيه النظرات
مابقتش لا واعر
ولا واعي
لو وجعك نقطة ف أوجاعي
تبقى أنت شهيد
السما بتمطر نار وجليد
واليأس سديم مش متناهي
أشملني بعطفك يا ألهى
أنا عبدك محتاج للنصرة
والحزن مربع ع السفرة
وبيغمس ف الحلم البايت
إسم الشاعرإسم الكاتبالبلدإسم القسمالمشاهدات
ميسرة صلاح الدينميسرة صلاح الدينمصر☆ دواوين الأعضاء .. عامِّي566
لاتوجد تعليقات