تاريخ الاضافة
الخميس، 18 أكتوبر 2007 09:36:53 ص بواسطة أحمد العولقي
0 949
نظرة إرتياب
لو أبنظر في عيونك شفـت نظـرة إرتيـاب
شك وناقض في وجوده كل معنـى لليقيـن
مدري خوف ٍ لو أبرحل تزيد أيـام الغيـاب
ولا من شدّة ظروفي تشكي فيني بكل حيـن
ولا شوق ٍ وإشتياق لماضـي أيـام العتـاب
ولا فرح وما قدرتـي توصفينـه بكلمتيـن
صرت أخاف بأي لحظه تقولي أطوي هالكتاب
وأطوي صفحات المحبّه اللي توارت من سنين
يا نهايـات المحبّـه ويـا بدايـات العـذاب
يا مسلسل ما قدر يحمـل بجوفـه قصّتيـن
قصّة ٍ قلبي إبتداها لمـا بادلـك الإعجـاب
وقصّة قلبـك بداهـا لمـا زودّتـي الحنيـن
أزعلي مني إذا إنك راضي لقلبـي العـذاب
وأتركي عاشق متيّم يكتـوي مـن جمرتيـن
جمرة ٍ بحشاي شبّـت مـن تزاعلنـا وذاب
منها قلبي المعّـذّب ليـن أصبـح يستعيـن
بالرجا اللي كل جرح ٍ لو بترفق بيّـه طـاب
والغلا اللي كل همّ منـه أقسـم مـا يبيـن
وجمرة ٍ فوق ٍ تعلّت فوق هامات السحـاب
ومنها أصبحت طين ٍ مثلما تسويّـت طيـن
يا تعب لا يا عذابي من زعل أغلى الأحبـاب
والله إني ماني قاوي علـى زعلهـا لحظتيـن
ليتها ترضى عليّه وتريح هالقلـب المصـاب
ولا تطعن روح قلبي فـي ظَهَرْهَـا طعنتيـن
إسم الشاعرإسم الكاتبالبلدإسم القسمالمشاهدات
أحمد العولقيأحمد العولقياليمن☆ دواوين الأعضاء .. عامِّي949
لاتوجد تعليقات