تاريخ الاضافة
الخميس، 18 أكتوبر 2007 11:40:50 ص بواسطة ميسرة صلاح الدين
0 536
زى رحمه ربنا
زى رحمه ربنا
حبك أتى
طب يعمل إيه بس الفتى
لازم يحب
البنت مش لقطة فى كليب
البنت لقطة من الحياة
شعر و رصاص
ف أيديها أكسير الخلاص
وبتستعد تقدمه
كل الولاد أتقدموا
ملقوش نهاية لقلبها
يا قلبي لما تحبها
حب بصحيح
فزورة من أرض المسيح
معجونة بايدين الرماد
مش عايزة دبلة ولا اعتماد
عايزة النهاية المفرحة
صوابعها نبتت أجنحة
وطلعت لفوق
أحنا اللي عايشين
فى الشقوق
أزاي حندفع مهرها
إسم الشاعرإسم الكاتبالبلدإسم القسمالمشاهدات
ميسرة صلاح الدينميسرة صلاح الدينمصر☆ دواوين الأعضاء .. عامِّي536
لاتوجد تعليقات