 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| المصرى كان فصيح |
| ** |
| خيبته العجب عجبان منه |
| سنين عجاف حشت سنه |
| سبع تلاف داهيه تجنه |
| وتبهدله وتشل اديه |
| ** |
| بيقولوا كان فى الشكوى فصيح |
| وفى النكت قارح وقبيح |
| اصبح يخاف من همس الريح |
| والعسكرى مدد ف عنيه |
| ** |
| من عهد مينا لأخينا |
| ابو بدله ميرى مخلينا |
| تايهين وناسيين أسامينا |
| قولى اسمك ايه؟؟ |
| ** |
| خايف يقول يطلع مطلوب |
| فى القسم ياخد بالمركوب |
| ويموت فطيس ابن المنهوب |
| والحق يطلع برضه عليه!! |
| ** |
| وكلنا شرح صاحبنا |
| متعكزين على مصايبنا |
| وكل فرعون يركبنا |
| ويسوقنا ويدلدل رجليه |
| ** |
| واتارى مصر دى موروثه |
| مش محروسه |
| ملناش لا طور ولا جاموسه |
| ولا حتى حتة فسفوسه |
| واحنا اللى زارعين الكوسه |
| فى الموكوسه |
| وياكلها البيه!!!! |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
