تاريخ الاضافة
الجمعة، 2 نوفمبر 2007 04:48:03 م بواسطة ملآذ الزايري
0 2009
القلوب الطيبه
يادلال ان ضاع صوتي لايضيع اللي بقـى
لاتضيع الصورة اللي في خيالـك يـادلال
يابعد طـول المسافـة والكلافـة والشقـا
يابعد كل الحيـاة وكـل ماجـاب الخيـال
ماورى سـود الليالـي والفـراق إلااللقـا
وش تبين بهالدموع الزرق يابنت الحـلال؟
اتركي عنك الدموع وخلي الحـزن يهقـى
ان مالـه فالقلـوب الطيبـة أيـة مجـال
كلها جرح ونشـوف الليـل لامنـه اتقـى
في جلال الصبح جعل الصبح مايلقى جلال
اقبلي قبل نتفـارق والوصـال ابـو النقـا
ودي آخذك بيدينك والنقـا ولـد الوصـال
اقبلي واليوم يـوم الشعـر كانـه مارقـى
يم ذيك الغيمة اللي كنهـا (طلبـة تعـال )
لايجي باكر يغني : (ياسقـى الله وسقـى)
كل شي ان طال زال الا القصايد ماتـزال
لعن ابو ذكرى القصايد كان ذكراها محقـا
كل بيت وذكرياته في ملامحهـا سـؤال :
وينها اللي كنت انا والصبح ويديها اشققـا؟
اي فال اللي رماني في خيالـك اي فـال؟
آه كان الشعر راح ورحتي انتي وش بقى
مابقى لي غير اجر الصوت وأسري يادلال
إسم الشاعرالبلدإسم القسمالمشاهدات
فهد المساعدالسعودية☆ شعراء العامية في العصر الحديث2009