ياقلم جاوب على صوتن بعيدن له نحيب | |
|
| وانت كلك فدوتن له وفي يدينه كالزمام |
|
حي من صوته ينادي من بعيدن للقريب | |
|
| دامِ صوته وسط جوفي يبشر انه مايظام |
|
ياقصايد وكفخي من مدرجن خطّطه شيب | |
|
| احملي اذكى القنابل لزمت الغارة لزام |
|
اقصفي كل المواقع واقصفي كلما يريب | |
|
| الكدي الباس بقدمكي وارخي للعنف اللجام |
|
العدو من كنت احسبه عام الآول كالصحيب | |
|
| بيّنت فيه الخوافي وطيّر الرّيح الخيام |
|
لو برزّلي في قتالن ضربتي ملها طبيب | |
|
| اجعله متضرجن بدماه للبيداء طعام |
|
كيف لا وانا الذي ماقيل نيشاني يخيب | |
|
| يرمي نيشاني الهدف ولوهو في عتم الظلام |
|
حي مصهال الفرس لاطارت وغز السبيب | |
|
| كنّها وقت اللقا قصايدي بين الانام |
|
عبيتن عربا وابوها حصانن مسلسل عريب | |
|
| مهرتن مرباطها من مخلديات العمام |
|
هذا انا عسافها واهديتها بكيفي لذيب | |
|
| لاعوى ثم امتطاها شقق صفوف الزحام |
|
المهلهل جنب قلبي يعوي ويقنب قنيب | |
|
| يقنب قنيب الضواري ويعوي من فرقا الهمام |
|
غارت الخيل الاصايل مع بدايات المغيب | |
|
| ويل من تصبح بساحه وقايد الجيش السقام |
|
السحب ترمي رماح والورق ساح وكتيب | |
|
| وقايد الحرب الدماغ وفكره يقص العظام |
|
كبدي ماهي بارده والقلب ماوالله يطيب | |
|
| ومن سئلني كيف حالك قلت له ماني تمام |
|
لكن الهقوة بقصايد لارمت كبدن تصيب | |
|
| وتفزع اليا صاح قلبي وجردت يدي الحسام |
|
ياقصايد هاك رمحي اللي مضرابه عطيب | |
|
| اصعقيبه مثل برقن لاتدلى من الغمام |
|
ماني ماجد بن حمد ولاني ذيبن للكتيب | |
|
| انما خليت العدو متزلزلن قلبه حطام |
|
ويحسب ان المبادي لعبتن بيد اللعيب | |
|
| او هو يحسبها سوالف مثلها مثل الكلام |
|
جل ربي وعز شانه ياهب بليا حسيب | |
|
| ولا لوهي بكيفهم ماحيروا ربعي النعام |
|
المهلب ماحسب لابن الفجاءه او شبيب | |
|
| ولوهم اشرف من عدوي لكن التشبيه قام |
|
الخوارج يحسبون انّا خوارج يالحبيب | |
|
| نسيوا ان الدين تم وكلنا راعي علام |
|
عيرونا بالكبيرة ولاحدن منهم مصيب | |
|
| كنّا من روس الولاه وهم عصاتن للامام |
|
مانسينا يالوجيه السود ماضينا الرهيب | |
|
| يوم شيدنا مباني العز وانتم في ركام |
|
جايز يطول الظلام ولكن العقل اللبيب | |
|
| يعلم ان الله حي والشرع له يومن يقام |
|
القصايد واضحة والمعنى في صدري يغيب | |
|
| لكن اللي يشوف شوفي يشوفها باعلى السنام |
|