|
ويلاه يا جرح ٍ من العام ما طاب | |
|
| وهم ٍ على صدري منوّخ ركابه |
|
ودمع ٍ حدر تالي الليل سكاب | |
|
| عالي الوجن ناصع فخدي خضابه |
|
وقلب ٍ تلف ماخذ من الوقت بحساب | |
|
| يندب وليفه قبل ساعي ذهابه |
|
يللي على بعده من الدمع صباب | |
|
| وهتان حزنه مثل خول السحابه |
|
ما يبري افوادي ترا جمع الأصحاب | |
|
| وما تبري العله حروف الكتابه |
|
وما يرد حالي مثل ما كان فأطياب | |
|
| غير الوليف اللي تعمد عذابه |
|
هو الدواء لوّن على البعد طلاب | |
|
| كل الشفا قربه وريحة ثيابه |
|
حسنه على حسن الغرانيج كساب | |
|
|
يالكوس شف حالي على بعد لأحباب | |
|
| اسعف لزيمك لي عذابه سرى به |
|
لن طاب حالي جرحي العام ما طاب | |
|
| وا شيب راس اللي مودع شبابه.. |
|
|
يسقي ديار النيد مالودق سحاب | |
|
| ريح الجنوب إن هب عجلن سرابه |
|
|
| غطا عيون الكون ري السحابه |
|
ألفن هلا وألفن على العين ترحاب | |
|
| بأهل الوفا وأهل السخا والنجابه |
|
بيتك وبيت العز يالغالي انساب | |
|
| بيتن طرقته يالغلا رد بابه |
|
الحب باب وطرقته تفتح أبواب | |
|
| يا عون قلبن صوبه وأبتلى به |
|
ضرب الهوى قاسي كما ضرب نشاب | |
|
|
وإلا مطوّع خط لك حرز وحجاب | |
|
| يا ليت ينفع بو محمد حجابه |
|
إن كان سيد الغيد تلعات لرقاب | |
|
| باني فوسط الجوف عمد وطنابه |
|
وش بايفيد الدمع لو حن مرزاب | |
|
| دايم على الرجال تزهى المهابه |
|
ذيبن عوى مكلوم من راس مرقاب | |
|
| يسري صداه وجاوبته الذيابه |
|
وري المواقد واترك الجمر شباب | |
|
| وأدفن جروحك بالصبر والذرابه |
|