تاريخ الاضافة
الأربعاء، 7 نوفمبر 2007 07:00:35 م بواسطة أحمد العولقي
0 1014
قالتها سلوى
يقولوا منهو يحبّ محـال ٍ إن يكـره
ولي قلب حبّك .. ويكره قلبك الجاني
حطّمت قلب ٍ يحبّك حيـل يـا درّه
ومزّقت حبّ ٍ تمسكن جوّه شريانـي
موّتت حلم ٍ حلمتـه آآه يـا كبـره
سيّلت دمعي وغيثـه هَـلّ بأعيانـي
قتلت وحده لقـت للفـرح ذا ذرّه
سجنت قلبي وسجن الحـب أشقانـي
سمعت غيري ويومه غيري لـي يكـره
ولا سمعت صـدى ونّـات أحزانـي
تركت قلبي فراغ ٍ .. منفي ونكـره
خليت روحي بجمرة حبّـك تعانـي
حكمني قلبك إلين احترت في امـره
مدري عشقني أو إنّـه بـس يجفانـي
حسبت إني بشر ما ذاق فـي عمـره
الا سعاده وتعلى فيهـا كـل شانـي
يمكن بلحظه غضب قلت أكرهك مرّه
وشوف الحين جيـتك قلتها ثانـي
كرهتك وصرت في دنيـاك الحـرّه
روّح ولا لي تعود تردّ لأحضاني
ورب كوني تلاقي هالجـزا بكـره
وتحبّ ظالم.. وتذكر ماضـي أزمانـي
قالتها [ سلوى ] وبيّه ودمعة ٍ مُرّه
وذكرت ماضي ومنّه هاضت أشجاني
ساقت كلام ٍ ومنّه جاتني العبره
ندمت وبعد الفراق ما يفيد ندماني
عطتني الحب وأنا خنتها مرّه
والحين أطلبها حبّ ٍ يروي ظمياني
يا كيف تعطي بعد ما ذاقت الجمره
من حبّي اللي خطا ولا رد الإحساني
بكا المتيّم بيوم العاذل يغرّه
صفّق بإيده وقال صح 100 لساني
حسبت إن الخطا مهما كبر قدره
صغير في عيني ولا أي خطا جاني
خطيت وأدري خطايا يا الله يا كبره
وأذنبت ذنب ٍ يموّت جيل إنساني
ماتت ورودي وجفّ الماي في بحره
والكون أظلم وماتت كل أغصاني
يا كيف أخلّي حبيبي يحبّني مرّه
يا كيف أرجع حبيب ٍ قال إنساني
اللي قتل وأرتكب الجرم في عمره
يعفون عنّه بشر يملاهم إيماني
وأنا قتلت الفؤاد اللي غدا جمره
وأبيها تعفو بيمناها عن الجاني
والله يرحم ويغفر يعطي من أجره
وما به بشر ما بيخطي مرّه يا فلاني
يا ناس أدعو معايا خالق الذرّه
إنه يجيب العفو من [ سلوى ] أزماني
إسم الشاعرإسم الكاتبالبلدإسم القسمالمشاهدات
أحمد العولقيأحمد العولقياليمن☆ دواوين الأعضاء .. عامِّي1014
لاتوجد تعليقات