عناوين ونصوص القصائد   أسماء الشعراء 
الشعراء الأعضاء .. عامِّي > مصر > عبد اللطيف مبارك > الكمين

مصر

مشاهدة
693

إعجاب
3

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

الكمين

أد م اتعلمت أحزن
وإني أحزن فى سكوت
أد م أتعلمت أحبك
وأرتمى ف شوقك و أموت
خلصتنى حقيقه مرّه
أنك انتى هواكى ليّه
ف الحقيقه
عنكبوت
ياما كان حلمي الصغير
ألتقيكى شايله همّى
واقفه طالله م بين عيونى
بين عروقك يجرى دمى
واهبه قلبى للشروق
ولأنى أفوق
على انك انتى ف أيد غرامك
مقصله
ولأنى أحبك
كان خلاصة المسأله
كانت بدايتك مؤلمه
كانت نهايتك فى الخداع
متفصله
من غير صلا
كنت أعبدك
ولا حتى وثنى للصنم
ولا كنتش أعرف
إن آخرة حبى ليكى للعدم
بين الندم
وأنا كنت زىّ عجينه لمّا
حين بتتشكل صوابعك
وألتقى بكره اللي طارح
تحت شمسك .. تحت ضلك
أغفر لأيامي اللي فاتت
أنى
كنت فيها ف يوم
بحبك
ولا تنكريش إني الوحيد اللي اتولد
م فوق سماكى نجمتين
نقشتين فوق الجبين
متفصلين
أتلونت شمس الصراحه الميّته
بين صدق قولى وضحكتك
زايفه خطوطك تتخلق
مرّه ملاك
مرّه هلاك
مرّه شقوقك ملحمه
تحكيها وانتى ف مسكنه
شيطانك المخلوق م راحشى
ف نار قساوة غربتك
بين صوتك الناعم بيهمس
وقت فاضي بتشغليه
أنا كنت فيه
فاكرك وانتى بتندهيه
قلبي اللي كان لك لعبتك
وتجربيه
منفعش غير انه حزين
وأنا من سنين
لمّا كان حلمك يجينى ويفترق
كنت أتخنق
أبقى زىّ الحق وقت م يتشنق
م بين عيون المظلومين
وأنا من سنين
لمّا كنتى لي السحابه
والعطش ف لساني يعوى
زىّ م تكون الديابه
واقفه فوق ميت لتوى
ف انتظار فض الوليمه
نظرتي هيّه اليتيمه
نظرتك
هيّه .. الكمين
قصيدة من ديوانى قرايه تانيه للجسد
عبد اللطيف مبارك

قصيدة من ديوانى قرايه تانيه للجسد
بواسطة: عبداللطيف مبارك
التعديل بواسطة: عبداللطيف مبارك
الإضافة: الخميس 2007/11/08 10:13:53 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com