تاريخ الاضافة
الجمعة، 9 نوفمبر 2007 01:00:20 ص بواسطة محمد الشملان
0 510
لوحة شقاوة حُ ـب ... !!
يالغالي وينك ، ليه تبعد إيدينك
وأنا أقرّب وأنت تنبض لي : حرمان
يعني ماتدري إني فالدمع عينك
وإنه خفوقك يطفي إشعال نيران
وينك ؟ وكل دربي يناديك وينك
ياللى ( حنانك ) يوصل لْحد الإحسان
تذكر حبيبي ؟ يوم أرسم بـ طينك
لوحة شقاوة حب طفرات الاحضان
تنسى خليلك ؟ تنسى رفعة جبينك
اللى روى قلبك بعد ماهو ضميان
هذا جزاته تبّعِده عن .. حنينك
تخليه وحده فـ ظلمة الكون .. تعبان
يعني : فديتك ، غرّك اليوم زينك .. ؟
ويلاه من امسٍ بـ رجفات ( بردان )
تدري بعادك ( طعن ) ذكرى سنينك
وكل مابقيت أذكرك ،، ينغزني ( وجدان )
طيشك لعب بك ، والهوى شين شينك !
يا للأسف .. خيّبت ظني بـ ربحان º
ومن بعدها تنده ياوينه ظنينك
ويرجع صدى صوتك بـ نبرات : ندمان
روحي .. ؟ أذكريني º لما خنجر أنينك
يصيب قلبك يجعل الروح بـ أحزان
لكن ( خفوقي ) يبقى صاين ( ثمينك )
مادام عهده فـ الوفا يرسم : ضْمان
وتبقى الحكايه ، سرٍ بيني وبينك
مهما يجيني هم ، يا أعز إنسان
بس لا إتحسف يوم تبعد ( إيدينك )
كنك محمد .. يوم تهجره ( إيمان )
هذه لذكرى غياب الحُب .. الله المستعان .. !
إسم الشاعرإسم الكاتبالبلدإسم القسمالمشاهدات
محمد الشملانمحمد الشملانالسعودية☆ دواوين الأعضاء .. عامِّي510
لاتوجد تعليقات