يالغالي وينك ، ليه تبعد إيدينك |
وأنا أقرّب وأنت تنبض لي : حرمان |
يعني ماتدري إني فالدمع عينك |
وإنه خفوقك يطفي إشعال نيران |
وينك ؟ وكل دربي يناديك وينك |
ياللى ( حنانك ) يوصل لْحد الإحسان |
تذكر حبيبي ؟ يوم أرسم بـ طينك |
لوحة شقاوة حب طفرات الاحضان |
تنسى خليلك ؟ تنسى رفعة جبينك |
اللى روى قلبك بعد ماهو ضميان |
هذا جزاته تبّعِده عن .. حنينك |
تخليه وحده فـ ظلمة الكون .. تعبان |
يعني : فديتك ، غرّك اليوم زينك .. ؟ |
ويلاه من امسٍ بـ رجفات ( بردان ) |
تدري بعادك ( طعن ) ذكرى سنينك |
وكل مابقيت أذكرك ،، ينغزني ( وجدان ) |
طيشك لعب بك ، والهوى شين شينك ! |
يا للأسف .. خيّبت ظني بـ ربحان º |
ومن بعدها تنده ياوينه ظنينك |
ويرجع صدى صوتك بـ نبرات : ندمان |
روحي .. ؟ أذكريني º لما خنجر أنينك |
يصيب قلبك يجعل الروح بـ أحزان |
لكن ( خفوقي ) يبقى صاين ( ثمينك ) |
مادام عهده فـ الوفا يرسم : ضْمان |
وتبقى الحكايه ، سرٍ بيني وبينك |
مهما يجيني هم ، يا أعز إنسان |
بس لا إتحسف يوم تبعد ( إيدينك ) |
كنك محمد .. يوم تهجره ( إيمان ) |