تاريخ الاضافة
الإثنين، 19 نوفمبر 2007 01:39:59 ص بواسطة ملآذ الزايري
0 1330
اهل الهوى
إلـى صفالـي زمانـي بـك
فما فوق كل التـراب تـراب
يوم انتشي من نشـا طيبـك
أشوف مجمل عداي اصحاب
وان اشتغل بي خفـا غيبـك
كني ملكت العـرب بكتـاب
أنــا وقلـبـي معازيـبـك
ما دام جرح الغلا ما طـاب
بعيـد واسـعـى بتقريـبـك
أبيـك تستوطـن الالـبـاب
والدمعـه أغلـى مناديـبـك
ما ظن طاحت بدون اسبـاب
كلمـة غـلا فـي مكاتيبـك
مفادهـا ان الهـوى غـلاب
اسهـر بليلـي وأغنـي بـك
اما غلا أو يكـون اعجـاب
واوقف بطولي وهلّـي بـك
قصور الغلا ما عليهـا بـاب
اناظـر العيـن وادري بـك
غايب وتنشـد عـن الغيّـاب
أفخر بحبـك وامـاري بـك
لأهل الهوى ما حسبت حساب