تاريخ الاضافة
الأربعاء، 21 نوفمبر 2007 09:00:23 م بواسطة الشيخة د خلدية آل خليفة
0 849
أســــــــــألــك
أسألك باللي جمعنا ..... من سنينٍ طوال
وش بقى للسنين المقبلات ... وخيالي
وش بقى للسنين المقبلات ..... وخيالي
وش بقى غير وجهٍ ... حايرٍ بالسؤال؟
أكبر إنك تجاوب ..... أو صغيرٍ مجالي؟
الهقاوي شمال القلب ..... وانت الشمال
ما عرفت إنك ف/ بالي وبالي (وبالي) !!
والمسافات خيطٍ من وهم ... (من محال)
كنّه الكون كلّه .. في فضاء الكون سالي
وما ابتسم غير وجهٍ عايشٍ في الخيال
وما انكسر من ظنوني غير ظنّ الليالي
وجهتين أمنياتي ..... بين روح وتعال
مقدرية عطاك من الضما .... ما تبالي
كيف تقدر تهمّ القلب صوب الوصال؟
لا تجاوب ( أنا أدري ) مستحيلٍ وصالي
مطلب الشوق غايب بين فجر وزوال
وكل ما عند شوقي غارقٍ في سؤالي!
وكيف تحلم حروفي في بيوتٍ جزال؟
لذة القول لا من قيل لك ( أنت غالي )!
أجمل الشعر حبرٍ .... يكتسيه الدلال
ليتني أنتشي بك .. وأكتبك من دلالي
وأسألك باللي جمعنا والسنين الطوال
وش بقى للسنين المقبلات.. وخيالي؟
إسم الشاعرإسم الكاتبالبلدإسم القسمالمشاهدات
الشيخة د خلدية آل خليفةالشيخة د خلدية آل خليفةالبحرين☆ دواوين الأعضاء .. عامِّي849
لاتوجد تعليقات