تاريخ الاضافة
الأربعاء، 21 نوفمبر 2007 09:28:35 م بواسطة الشيخة د خلدية آل خليفة
0 808
ياسمين بريحةٍ من نار
ياسمين بريحةٍ من نار / وأحلى ياسمينك:
لاحترق في هوّة الراحات ... من فرط الهلاك ..
كيف لي من أبيض الأوقات .. وأعصابك تدينك؟
والشلل لا شدّ فكري .... زلّ عن ريحة سواك!
في البساتين ألف وردة وألف شكلٍ ... بسّ زينك
ماخذٍ مني قراري ....... (أشبه العبد بهواك)
أستعين الفرق في اللي ..... واضحٍ بيني وبينك
(إنت لا .. وأنا بليّا) .. لكن احساسي معاك!
قلت لي في يوم …... يا حيّ المحبة من يدينك
(أجملك تبقى بعيدٍ....... ما تقرّبني حذاك
ان دنيت القلب عوِّد ... ما لقلبي خالقينك)!
انت كل شيّ لحنيني ... (إلاّ محبوبٍ أراك) !
قلت لي أهواك لكنّ .... الهقاوي ماخذينك
كيف أبلقاك الحبيب وحنّا شيطان وملاك؟؟
نبتدي في كل مرة ...... كنّنا بأوّل حنينك
وآخر الأوجاع ضلعٍ عِيب يرخي مستواك؟
بيننا حكي وسوالف .... كلها خاتم يمينك
تنتشي والاّ تموت .... بأمرة الوقت وفضاك
بمباديك وكلامٍ ....... يذكرونه عاشقينك
من دروبٍ ما تضيّع ... غير من يمشي وراك
قلت لي أهواك لكن وينها أحلامي ووينك؟
وين عينٍ ما تشوف إلا عيونك .. أو مداك
لو عيونك (يا عيونٍ همّها اللي قاصدينك)
بادلتني (من جفاها) قلت يا محلا عطاك!
إنت حرّ وكل من يمشي ورا قلبك سجينك
إنت في غمرة صياح النزف يتهادى غلاك
أكترث في كل خطوة لأجل أحبك وأستهينك
وأستهين قلوب غيرك وأحسبك لي بانتهاك!
(منت لي) هاذي عبارة برقها صافي جبينك
إنت أبعد مستحيلٍ .. ليه يجذبني حلاك؟
كيف أحبك وأكره وقوفٍ تجاوز حاسدينك
وليه أموت بعطرك وأحيا بلا أحدٍ سواك؟
قولها وف/ كل مرة إنثر أحلى ياسمينك:
ما يحركني سوى التعذيب منّك أو جفاك!
إسم الشاعرإسم الكاتبالبلدإسم القسمالمشاهدات
الشيخة د خلدية آل خليفةالشيخة د خلدية آل خليفةالبحرين☆ دواوين الأعضاء .. عامِّي808
لاتوجد تعليقات