تاريخ الاضافة
الخميس، 22 نوفمبر 2007 10:36:21 ص بواسطة سيف الخالدي
0 953
يا بو سـعــد ..
يا بو سعد .. شفت علم ٍ ما يسرّ اعداي
جابه هبيل ٍ تصافق جنبه فْجنبه .. !!
مْخالف الشور ويْجاهدني في مبداي
الحمد لله عرفنا علـْـمه وْ دربه
كانه يحبّ الرّدى .. ويْخالف اهل الراي ..
الخالدي ما يماشي واحد فـْـسربه
والناس تخبر علومي .. وتْعَرِف ممشاي
الطيّب اعشق علومه .. واشتري قربه
ماني مماشي رديّ الساس واهْـل الـ(ـهـاي)
كلّ ٍ على هالبسيطه .. يبلش فْذنبه .. !!
في مكرمين اللحا .. شفّي وكلّ رْضاي
والا خويّ الردا .. يا لعنبو كذبه
خلـّـه يدقّ الطبل .. والا يِعَزْف الناي
خلـّـه يلاعب جنوبه .. لاطرى غربه ..
والا الشمالي حشمته .. ماهو منّه جاي
يأبى لميلة عقال الحاتمي يشبه .. !!
والشرق فيها بني خالد وكلّ حْماي
هذا الذي يالسنافي .. محْرق ٍ قلبه .. !!
الخالدي لا رضى .. لا تزعلك دنياي
ولـْـيا زعل .. كلّ جنّ ٍ نمتطي ركـْـبه .. !!
كلّ ٍ لراعي الوفا يا بو سعد شرّاي
وانته مخيّر ما بين الناس بالصحْبه
واللي حسيبي على ما قلت هو : مولاي .. !!
والله يحاسبْه يومه ضيّع الحسبه .. !!
كتبت في تاريخ 20/11/2007م الموافق 10/11/1428هـ يوم الثلاثاء
إسم الشاعرإسم الكاتبالبلدإسم القسمالمشاهدات
سيف الخالديسيف الخالديالسعودية☆ دواوين الأعضاء .. عامِّي953
لاتوجد تعليقات