عناوين ونصوص القصائد   أسماء الشعراء 
الشعراء الأعضاء .. عامِّي > مصر > جمال مرسي > و ليه نحزن؟

مصر

مشاهدة
2041

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

و ليه نحزن؟

وليه نحزن؟
وليه نحزن؟
ما دام نقدر نعيش الفرْح
ونشطب من معاجمنا معاني الجرح
ونمحي لون سواد غيّم على عنينا
بمحايه
عشان نقدر نشوف الشمس
نور الشمس
ننسى إيه يكون اليأس
وفي ساعة صفا نرسم
في كراسة الحياه ورده
وياسمينه
وشجرة توت و ضلايه
وعصفورة لصاحبتها
بتهمس همس .
***
فتحت اليوم شبابيكي على الدنيا
وكان الوقت وقت شروق .
لقيت الناس
كتير أجناس
برغم جراحها فرحانة
دا رايح شغله من بدري
ودا ماشي
ودا بيجري
ودي بتنادي يا أوطة و يا بطيخ
ودا رايح على غيطه و شايل فوق كتافه الفاس
ووسط المعمعه جاني
يا صاحبي صوت و كان مخنوق
ينادي يقول يا تسنيمي
عليا قومي سدي الباب و خليني
أعيش وحدي بأحزاني
دا انا اللي فيا يكفّيني
جاوبت الصوت
بقلب حنون ملاه الشوق
بلاش الحزن ليه نزعل
وليه دايما نبص لتحت لو نقدر نبص لفوق .
***
وليه نحزن
مادام نقدر نشوف أحلامنا في مرايه
ونلقى اصحابنا حوالينا
في وقت الشدة يحمونا
وايدهم لينا ممدوده
تعدي بينا سكتنا اللي مسدوده
وليه دايما نبص لنص كوبايه و كان فاضي
مادام نقدر نبص لنصها المليان
دي هي الدنيا يا صاحبي كدا حالها
تبات مهموم تقوم فرحان
وعجلة يومها ما وقفت عن الدوران
جمال مرسي
بواسطة: جمال مرسي
التعديل بواسطة: د. جمال مرسي
الإضافة: الجمعة 2007/11/23 02:50:00 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com