تاريخ الاضافة
الأحد، 25 نوفمبر 2007 02:41:48 م بواسطة أبو مساعد
0 872
الغرير
ِهو مساء عشق وإلا ليل طيش وشطانه
وشيبي هالغرير اللي شعوره نحاويِِ
مرني تلعب ايام الصبا في عنانه
غض الاشواق وعيونه عيون الهواوي
الله اعلم متى سبعه تعانق ثمانه
الوكاد انها ماهي ورا هالحراوي
ليت قلبه مثل عوده يشوق ليانه
كل مامرته نسمه تبعها مخاوي
وان تثنى يامال الكسر يالخيزرانه
وش تشفون لو مهو جفول حياوي
في عيونه حديث الكحل ياكبرشانه
ما ترده عن مراده كبار العزاوي
الله الي ملا عينه حنان وميانه
لين تلت معاليقي برمشٍ رهاوي
كل مالاح براقه تهادى حنانه
واهني من نزل في روض قلبه خلاوي
ان فقدته لقيت اقصى ضلوعي مكانه
وان نشدته يقول اني بقلبه فداويِ
إسم الشاعرالبلدإسم القسمالمشاهدات
ضيدان المريخيالسعودية☆ شعراء العامية في العصر الحديث872