تاريخ الاضافة
الإثنين، 26 نوفمبر 2007 08:43:37 م بواسطة ملآذ الزايري
0 693
فمان الله
فمان الله يادرب(ن) على الهجر يتحرانـي...
خذاه الوقت من جنبـي ولا جانـي ولاجيتـه
قصيدي ياقصيدي اسكن ف قلبي طرف ثاني..
قبل يسكن بيوتي جنّـه وتمسـي عفاريتـه
تعال اسأل نجوم الليل ياهاجر مـن الهانـي
وانا اعلمك بالوقت الطويل وكيـف قضّيتـه
بغيت اقوى على بعدك وراح الصبر ما امداني
اهز الشوق وان طاح الوله بالحضن ضميته
ربيعي ياخريفي ياشتـاي وصيفـي الهانـي
تراك انت الفصول وهجرة الشاعر وتشتيتـه
فضت كل الشوارع مالقيـت اللـي تريّانـي
مثل طفل(ن) طلع يلعب وردّ ومالقـى بيتـه
تحدّاني...تحدّاني...حبيـبـي لاتـحـدّانـي
انا لولاك لحـن الهجـر والفرقـا ماغنيتـه
تمنيتك وقلـت ف خاطـري ليتـه تمنانـي
وانا ماكـل واحـد شافتـه عينـي تمنيتـه
على كيفك تذكرني..علـى كيفـك تناسانـي
وانا طاريك ولا يـوم فـي قلبـي تناسيتـه
زرعتك ودة(ن) حمرا تزيّـن كـل بستانـي
ودفنت القلـب وتربـة مشاعرنـا وخليتـه
انا المجني عليه اللي يقـدّر طعنـة الجانـي
لان الجـرح يذكّرنـي بطاريّـه لاحسيـتـه