برى حالي لا أنتهى العصر وأعلن لانسحاب | |
|
| خلت الشمس الصداره ومالت للغروب |
|
وأذن المغرب وساد الفضا مثل الضباب | |
|
| وانتهى...والليل لبس الأماكن لبس ثوب |
|
وردت همومي على قلبي الصلب خراب | |
|
| وردت حيام الضوامي على عد جذوب |
|
كلها هانت ولاهنت يا هم الغياب | |
|
| من محبة صاحبك صرت ياهم امحبوب |
|
إخذ ليلك باوله واكل واشرب في رحاب | |
|
| قلب من شدة طهارته تجفاه الذنوب |
|
إيه والدنيا مساكن ورحله واغتراب | |
|
| والغلا في الوقت هذا مميز بالعيوب |
|
أشمل جسمي واعدي على روس الهضاب | |
|
| كل ماضيعت وجهي دريت إنه جنوب |
|
ويش أسوي فيك ياعم تلعات الرقاب | |
|
| وأنت واقع والتمعان في عيونك هروب |
|
أنت مجرم حب...لا...ويش جاب لويش جاب | |
|
| أنت عذب...عذب رجيلي بشوك الدروب |
|
صرت أهاب من التزاحم وأنا ماكنت أهاب | |
|
| وأمشي بكيفك لو إني على المشي امغصوب |
|
صرت أجمع من جروحك وكلماتك عتاب | |
|
| وقبل اقول اشفيك تجرحني؟استغفر واتوب |
|
صرت أحسب الناس ماكنت أحسب لها حساب | |
|
| وصرت اكذب لاجل ترضى وأنا ماني كذوب |
|
شوف مهما صار بي إنحنائي إنتصاب | |
|
| إلعب بعمري وبعثره بايدك يا اللعوب |
|
أدري ان الجاذبيه تسبب الانسكاب | |
|
| وادري اني منسكب...وادري ان ايديك كوب |
|
سلت ف ارضك وارتوت بي...وفاضتني عذاب | |
|
| لين حبتني قلوب وتعاودت لي قلوب |
|
ف اعرف ان زولي غدير...وحكاياهم سراب | |
|
| والمقادير الايادي وشين الحظ طوب |
|
يعني ليا رموني حقيرين الجناب | |
|
| صار زولي عشرة ازوال وعيوني |
|
آتعدد لاجل اداريك عن طيش الشباب | |
|
| وآتوجد لين يطغى على وجهي شحوب |
|
ماني استاهل كذا منك ياوبل السحاب | |
|
| لاتبللني وانا ودي انك ماءٍ شروب |
|
إيتني...وادخل القلبي ياقلبي...باب باب | |
|
| واخطر عروقي برجليك يا اسمر دوب دوب |
|
جل من ولى عروقي بقنينة تراب | |
|
| نوب تضحك من عذابي وتبكي منه نوب |
|
لو لي دعوه وحيده... ودعوه تستجاب | |
|
| قلت:ياربي ليا مر...خالفه الهبوب |
|
زوى قلبي كل ما أزويت خصرك بانسياب | |
|
| زقف العالم يرد البحر من كل صوب |
|
ياخلاصة شهد وعذوق مالذ وطاب | |
|
| يامغلبني وانا مابعد صرت امغلوب |
|
يامسفرني لوجهك ذهاب بلا اياب | |
|
| يامعزز بالغلا يامقدر يامحسوب |
|
إيتني واذهب بي بعيد...يامال الذهاب | |
|
| ضمني بايديك أبجمد على صدرك واروب |
|
انت لو ضميت تمثال من ضمتك ذاب | |
|
| كيف لو ضميت صدر على ذكرك يذوب؟ |
|