تاريخ الاضافة
الجمعة، 30 نوفمبر 2007 09:40:18 ص بواسطة ملآذ الزايري
0 1798
الدلوعه
إيه أعرفك بنت عز وكلمتك مسموعـه
وأدري إنك من خلقتي في ظلال وفيّـه
مالعب فيك الزمان ولاقرفتـي جوعـه
ولاوقفتي من همومـك وقفـة محنيـه
أدري ورب اليتيم اللـي يهـل دموعـه
مابعد هلت دموعك في ضحـى عيديـه
بين حضن أبوك وأمك وردةٍ مزروعـه
طول عمرك مافقدتـي لمسـة الحنيـه
إيه أعرفك وأعرف إن الناس لك متبوعه
وأدري إن أمرك مجاب وحاجتك مقضيه
بس أنا من فضل ربي هامتي مرفوعـه
ورث أبوي وراس مالي عزوة جبريـه
ماأنحنيت إلا لمخافة ربـي المشروعـة
ولابعد دفقـت دم الوجـه أمـد ايديـه
بدوي ماعرفت الضحكـة المصنوعـه
احمد الله من خلقـت وطيبتـي فطريـه
قانع في حكمة الله ماشي فـي طوعـه
ماحسبت حساب دنيـا ناسهـا طرقيـه
إيه أنا ياأم الترف قلبي غدا موضوعـه
الفراق اللي بلا رجعه وطـاري جيـه
بس روحي سايري قلبك وهدي روعـه
واعذريني .. وإلا عادي ازعلي عليـه
دامها وصلت لـذل النفـس يالدلوعـه
والله ان يعيش راسـي ماانحنـى لبنيـه
إسم الشاعرالبلدإسم القسمالمشاهدات
فهد المساعدالسعودية☆ شعراء العامية في العصر الحديث1798