تاريخ الاضافة
الأحد، 2 ديسمبر 2007 05:36:49 م بواسطة أشرف عزمى
0 616
تعالى شلينى من قلقى
أنا وانتى
بقينا خلاص فى روح واحدة
بتسقينى من الفتنة
وبسقيكى
من المكتوب على جبينى
خلايا النور بتتجمع
فى عود ياسمين
وتاخد قلبى وتروحلك
وبتبوحلك
وتحكى فى سر مدارى
ورا الأحزان
وأقول يمكن هتصفى لى
تراعينى
دا أنا طرحك
سبينى أشرب حليب روحك
وألضم ريشة فى جناحى
وأطير
سبينى أصرخ أقول كلمه
سبينى أقتل أنا خوفى
وأكتب لك وبحروفى
كلام عاشقك
أنا ضلك ما تفتكرى
وليه سيبانى للأوهام
لا وخدانى كده فى سدرك
ولا ع الجرح فطمانى
سبينى أشرب بها ضيك
تعالى شلينى من قلقى
إسم الشاعرإسم الكاتبالبلدإسم القسمالمشاهدات
أشرف عزمىأشرف عزمىمصر☆ دواوين الأعضاء .. عامِّي616
لاتوجد تعليقات