تاريخ الاضافة
الإثنين، 3 ديسمبر 2007 11:15:35 م بواسطة نايف ابوثنتين
0 523
من وسط لندن لين حي السويدي
يقول من حده زمانه على البـوح
هذي رساله وصلوهـا البريـدي
مضمونها بدري تعلمني النوح
وتفصيلها مما يلي بالمفيدي
اقولها من قلب ماهي ترى مزوح
فرقاك عندي عيد واليوم عيـدي
ارجوك تنسى نايف اليوم وتروح
خلك بعيـد هنـاك وانـا بعيـدي
انا نسيتك وانته اليـوم مسمـوح
فارق عيونـي لاتزيـد وتعيـدي
قلبي جريح وزدته اليوم بجـروح
جرحٍ قديم وجرح تـوه جديـدي
ويامل قلبٍ يشكي الجرح مذبـوح
من جرحها ينزف خفوقي قصيدي
هانت وعدت والامل تـوه يلـوح
يلوح برقـه والبشايـر تزيـدي
يامرحبا ترحيب يامهجـة الـروح
من وسط لندن لين حي السويدي
ارحب ياغالي واقلط القلب مفتوح
واجلس وكوع يابعد سيّد سيّـدي
واضيفك دله من الشوق وتفـوح
واقدع من عروقي وحل بوريـدي
انت القمر من طلتك صار مفضوح
وكل الكواكب في جمالك تشيـدي
وافي وغير الزين جذاب مملـوح
يفداك كل العمر واللـي تريـدي
امر تدلل صدري اليوم مشـروح
لجلك نّليـن كـل راسٍ عنيـدي
إسم الشاعرإسم الكاتبالبلدإسم القسمالمشاهدات
نايف ابوثنتيننايف ابوثنتينالسعودية☆ دواوين الأعضاء .. عامِّي523
لاتوجد تعليقات