تاريخ الاضافة
الثلاثاء، 4 ديسمبر 2007 04:04:50 ص بواسطة جاسم الحجري
0 1113
يـــا وجــــد
يا وجــد قلبن فالهــوى ضيّــع الـــود
وأمسى تليف الحــال ضايق سبيله
وجد الفطــيم اللي عن أمــه تبعّــد
وأمـــه على فـــرقاه تبكـــي رحيـــله..
يا وجــد مفجوع ٍ على عـارم الســد
شيّـــد مـن التــوثاق بيـــت لدخيــله
ماخذ على طالبه من واثـق العهد
وغـــاروا عليه لــدمهم فــــي قـتيـــله
((أو وجد قلب ٍ فالهوى ضيّع الــود
وأمسى تليف الحال ضايق سبيله))
أسباب من حبه على شامخ الصــد
خــــل ٍ يـــــزيح الــــود عنــــي ويحيــله
خل ٍ قطعني قطعت الصبع ماليد
قصـــــده دواه ولا يحـــــاتيه ليــــله..
وأمسيـــت في نكــبه على جزر ٍ ومـــد
أهمـــوم دنــــيا لي ضوت مب قليله
كـــني فغـــزوة رمحــــها سار معتــد
عكـــر الوطيس اللي دماها تسيـله
أو كني فـــأرض ٍ خيرها قام ينفد
الجــوع طـــاغي والضــوامر نحيله
هايــــم وفكــــري فـي عنــــود ٍ تبعـــــد
مدري زعــل مدري جفا أي وسيله!
مــدري سبــب فرقــاه هــاوي التعنّد
وقطع الوصال اعلومها مستحيله
من عقـب وقــت ٍ فالرخا والتوحّد
دمعي على الخدين ساقي مخيله
أعزاك يا عمي وأنا فيك أعتــــد
ياللي تثيب القلب واللي انتخيله
تـــدري بحال ٍ أتعب الود بـــالصد
وأنته يا أبــو حمدان عـــوقي دليــله
فــي ذمـــتي وعد ٍ على العـد بالعد
مقـــدر أواريـــبه وثـــــــــاق الجــليـــله
ومقـــدر أعيــش بدون قلـــب ٍ تودد ..
يسقي سنـــاه عـــروق حـــب ٍ محيله
أرفج بحالي وأسقني صافي الشهد
من مـزن جــودك وأستريح فظليله
إسم الشاعرإسم الكاتبالبلدإسم القسمالمشاهدات
جاسم الحجريجاسم الحجريعمان☆ دواوين الأعضاء .. عامِّي1113
لاتوجد تعليقات