غالي وهو لي عزوتي وتاج راسي |
يا فخريْ بِالله وفخرْ كل العشيره |
|
لي هبّ نسناس العدى والمآسي |
هبت خلايق سيفها تستشيره |
|
هوْ مسند المظلوم ردراد قاسي |
أفعاله بقول النبي مستنيره |
|
فيه المروة مثل ماي(ن) وكاسي |
وآقل صرخه تشحنه وتستثيره |
|
الله فرق بين ناس(ن) وناسي |
فرق مَبين النبعْ ومابين بيره |
|
فرق شعوري له على كل راسي |
نبض الحشا هو حارسي له ينيره |
|
ليمن قريت افكاره بدون وآسي |
تلقى خواطر دكها مستعيره |
|
يايعربي الجدان يا فخرْ ساسي |
ودْ العرب مني تجي تستعيره |
|
ليْ قلب صادق عاشق(ن) بالاساسي |
به حافظ(ن) حق الدما والمسيره |
|
لك "بالصدى" احساس مانيبْ ناسي |
لك بالغلا شعر(ن) تبنّاك سيره |
|
في مملكةْ حب(ن) ثبوت الرواسي |
القصر أنا وانتْ ألي فيها وزيره |
|
مابدلك يا بعدْ كوني وناسي |
الاول انته والمحطه الاخيره |
|
جاني أتصالك صرت ازف الامآسي |
ولو هوْ تأخر كيف بلقاه خيره ! |
|
أبقى انتظر لو صار للوقت فاسي |
لانّيْ بهواكم يالغلا مستخيره |
|
لاني أنا ودمك جرينا سواسي |
واصبحت لك موطن وبيت(ن) وديره |
|
واصبحت لي يابعدْ حييّ مراسي |
لاني معك ماذقت يا خلّ حيره |
|
أعذرني يا كل الشعور الحساسي |
إن كنت في حبك تزايدتْ غيره |
|
أحد(ن) يطول الذهب ويطول ماسي |
ولا يعوفك أو يبيعك لغيره ؟؟ |
|
لبتك فيني كُلّ خمس الحواسي |
ماالقى انا مثلك فشبه الجزيرة |
|
يا حامل(ن) مسك(ن) على قلب ياسي |
يحفظكْ ربي من نفوس(ن) حسيره |